由甄子丹同王寶強主演嘅電影《冰封俠：時空行者》（冰封俠2）喺前日喺大陸上映，上畫3日，隻收得2,500萬人民幣（約2,836萬港元），票房口碑都唔好。
大陸投資方嘅電影出品微博噚日以《官撕：冰封俠的背後》為題，發文炮轟甄子丹，將部戲嘅低票房、差口碑嘅責任全部推到佢身上，文章批評甄子丹耍大牌、亂改台詞之餘，就連拍古裝戲也唔肯配合戴假發，仲干涉製作團隊工作，另把其他演員戲份刪掉，大量保留自己戲份，導致電影成果未如預期，到影片上映時又不配合宣傳等。
據大陸傳媒指，甄子丹噚日得悉事件後，已經怒火中燒，喺微博留言話：「你們這些無恥的一群人，你的卑鄙宣傳行為，我不會容忍的，等我的律師信吧！」唯此微博已被刪除。
不過，事件並未完結，人在紐西蘭拍攝迪斯尼公司《花木蘭》嘅甄子丹，今日再喺自己個微博貼長文，佢話：「5年前參與拍攝的電影《冰封俠》而延展續集的官方微博昨天傍晚，發出惡意抹黑我的置頂長文（讓微博於昨晚9點已經刪除），但並不意味著我會放棄啟動法律程式來保護我的合法權益，我很憤怒。想了一晚，既然行業寒冬，經不好，部電影的宣傳費都是囊中差澀，片方企圖惡意抹黑演員來提高影片的關注度，我成全你們。」之後便以20點反擊劇組嘅指控。
其中甄子丹話既然片方對演員有咁多不滿，點解要喺電影口碑差嗰陣先出文指控，又話套戲已經拍咗5年先上，中間有咁多時間又唔見對方反映意見等。甄子丹亦有話成套戲系用配音演員配音，認為片方既然唔滿意台詞，點解喺配音時照配啲「唔滿意」嘅台詞，佢更寸爆話：「難道我沒有參與配音卻有神一般的魔法來『控制』配音流程嗎？」
另外，對方被指摘喺片場指手劃腳，曾喺多套電影中擔任動作導演嘅甄子丹，話動作導演現身范卻被扭曲意思，認為寫抹黑文嘅宣傳人員，並唔了解拍戲現場嘅運作；又提到被指不肯戴假發演出一事，甄子丹話：「穿越題材，到了現代，剪回現代人的髮型是主創5年前的人設計，宣傳的公司太不知情了。抹黑之前的功課做得不夠深入。」甄子丹更指，拍完套戲已經幾年，至今仲未收尾期片酬等。
甄子丹更指，就算片方刪除嗰條批評文章嘅微博，並唔會意味住佢會放棄繼續維權。甄子丹更認為，如今片方特意挖空心思去惡意抹黑佢，佢真系頂住條氣。佢話每一位演員都希望自己嘅作品有好成績同好的口碑，但系用這種拙劣嘅方式，根本不會改變票房的失敗嘅結果。
而身為「甄家班」一份子嘅嚴華，就轉發咗甄子丹條微博，仲話自己跟咗子丹幾十年，佢哋之間嘅感情唔系咁容易被影響同打破。其實甄子丹喺長文中都有提到，嚴華同喻亢都系甄家班成員，就算被挑撥都離間唔到佢哋之間嘅感情。（編按：嚴華及喻亢，曾喺第37屆香港電影金像獎中，與元彬一齊憑《追龍》入圍「最佳動作設計」）
歡迎分享至朋友圈
來源：蘋果日報
香港娛樂八卦
盡在HKChannel
香港九龍灣馬來街興發大廈15樓D室